Seksheni hii inajishughulisha na kutoa utaalamu na huduma mbalimbali zinazohusiana na Mifugo,Kilimo,Uvuvi,Ushirika,Utalii,Misitu, Wanyama pori,Biashara na Viwanda (Uwekezaji) kwenye Sekretarieti ya Mkoa. Seksheni hii inaongozwa na Katibu Tawala Msaidizi ambaye anawajibika kwa Katibu Tawala wa Mkoa.
Majukumu ya seksheni ya Uchumi na Uzalishaji Mali
Kuratibu utekelezaji wa Sera ya Kilimo, Mifugo, Ushirika, Misitu, Wanyama pori, Ufugaji samaki, Viwanda na masoko.
Kuzijengea uwezo MSM katika utekelezaji wa shughuli za Kilimo, Ufugaji, Ushirika, Misitu, Wanyamapori, Viwanda na biashara.
Kuzishauri MSM kuhusu teknolojia sahihi na rahisi za sekta ya Uchumi na Uzalishaji Mali.
Kusajili vyama vya Ushirika Mkoani.
Kushauri MSM kuhusu uanzishaji na ukaguzi wa vyama vya ushirika na vya akiba na mikopo (SACCOS).
Kushauri MSM kuhusu uanzishwaji na uendelezaji wa miradi midogo na ya kati.
Kusaidia na kushauri MSM kutambua maeneo ya Uwekezaji katika maeneo yao.
Kusaidia na kuwezesha MSM katika uendelezaji wa Sekta ya ufugaji samaki
Kufuatilia, kuratibu na kuwezesha masuala yanayohusu Misitu katika mkoa.
Kushauri juu ya matumizi ya sheria na kanuni zinazohusiana na hifadhi na uendelezaji wa wanyama pori
Kuzisaidia na kuzishauri Halmashauri kuendeleza maeneo ya wanyamapori.
Kushauri MSM katika ufuatiliaji shughuli za utalii, idadi na mtawanyiko wa wanyamapori.
Kuwezesha MSM katika utekelezaji wa Sera ya Mazingira namba 2 ya mwaka 2004
Kutoa ushauri wa kitaalamu kwa MSM kuhusu uendeshaji wa skimu za umwagiliaji
Kuratibu utekelezaji wa uboreshaji wa shughuli za kibiashara katika mkoa.
Kushiriki katika hatua za kutambua mapungufu na mahitaji ya mafunzo kwa watumishi wa MSM kuhusu matumizi ya fursa na vikwazo.
Kushiriki katika kutambua mahitaji ya mafunzo na kujenga uwezo kwa watumishi wenye uhitaji.
